Griaß Eich...Herzli  willkumman auf da Seit`n

von "d`Puachberger Oidteima Freind`"

Die 13. Ausfoahrt vo "d`Puachberger Oidteima Freind`"

find`t am

Saumstog, 27. August 2016, stott!

Olle Infos zua Ausfoahrt ab Juni per Ei`lodung, oder do auf dera Seitn!

Au`mödung bittschen bei Hermi u. Franz Brandlhofer

Tel.: 02636 3652

*************************************************************

Die "12. Traktor Ausfoahrt" vo  "d`Puachberger Oidteimafreind`" hot am

Saumstog, 29.August 2015, stottgfundn!

 

************************************************************************

DeVauDe Präsentazion unsara 

10. Ausfoahrt:

Sonntag, 03.November 2013

Gasthof "Zwinz-Max" Puchberg/Schneebergdörfl

Zirka 100 Personen san zu unsara DVD-Präsentazion kumman und hob`n an wirklich schenan Füm-bzw.Büdavoartog g`seg`n!

Mit da musikalischn Umrauhmung von "d`Kerbl-Buam" is a schena Saisonausklaung wordn!

Unsa großa Daunk güt Herta u. Adi Möslinger (HAM Foto&Film), de uns 7 Joahr laung begleit`- und immer wundaschene Dokumentationen g`mocht hobn!

De zwoa ziagn si jetzt a bissl in a "Pensionspause" z`ruck....vielleicht san`s wieda amoi dabei...!

Daunk schen fia ollas!

*******************************

31.August 2013

Knoppe 60 Traktor woarn uns, wia ma si am Kirchaplotz in Puachberg troffn hobn...bei schenstn Wetta vasteht si....! Unsa Tour is desmoi iwan Oscha (Aschersattel) umigaungan noch Waidmaunnsföd, vo durt iwa`d Ochsnhad`driwa noch Neisiedl! Durt hot uns da Burgamaster Kurt Cykel scho mit seina Feiawehr dawort, wei mia woarn olle auf an klan Imbiss ei`g`lond..! A supa Soch woar de wieda!

Danoch san ma weidag`foahrn iwa Guatnsta (Gutenstein) auffi auf`d Mamauwiesn zan Wüsch (Wilsch)-duart hobn ma Mittog g`essn und san nochand weida g`foahrn zu unsan heirigen Zü (Ziel) der 10. Ausfoahrt, zan Reitstoi Hoimahof (Reitstall Halmerhof)! Durt woa daunn fia an jedn Teunehma die Sondapriafung...do hot jeda mit sein Traktor umman Reitstoi foahrn miassn...die schnösste und die laungsaumste Zeit san zaumzöht woarn, daunn duach zwa diwidiert...des woar daunn des Mittl! Wer do am nächerstn zuwekemman is, der hot g`wunnan...! In dem Foi woar des da Schmidhofa Ernstl...!

Zweita is woarn da Cernik Wolfgang vorm Lechner Franz!

Bei da Siegaehrung hobn mia a unsan Burgamaster, Herrn Michael Knabl gaunz herzlich begriassn kennan...der hot daunn die Pokale an die Sieger üwareicht!

Mia mechatn si gaunz herzlich bei olle Teunehma bedaunkn fia`s Kemman und Mitfoahrn und g`frein uns, Eich bei da DVD-Präsentazion wieda begriassn z`kennan!

Daunk schen

Franz & Hermi Brandlhofer

Fotos bereits verfügboar...

=======================================================

 "9. Traktor-Ausfoahrt" 

Saumstog, 01. Sept.2012

23 Traktorbesotzungan hobn am erschtn Septemba (01.09.) dem saumässig schlechtn Wetta trotzt und san za unsara Ausfohrt noch Puachberg kemman! Leida hots in gaunzn Tog mehr oder weniga (eha mehr....) g`reg`nt, owa do kaunnst hoit nix dagegn mocha...!

Desmoi san ma iwan Schowa (Schober-Alm) auf`d Mamauwiesn gfoahrn und danoch zum "Zwinz-Max" ins Schneebergderfl...!

Natirli hobn ma a heia wieda a Sondapriafung ghobt--auf oan Meta (1 Meter) mitn linkn Vuadaradl zu an Plastikhiatl zuwefoahrn...hot net glei a jeda g`schofft...!

Mia mechatn si bei Eich fias Kemman gaunz herzli bedaunkn und g`frein uns auf a Wiedasehn ba da DeVauDe-Präsentatsion(DVD-Präsentation) im Hiarbst (Herbst 2012)!

Do seg`n ma wieda an schenan Voatrog vo HAM Foto&Film (Herta und Adi MÖSLINGER )

A Ei`lodung kriagts eh olle zuag`schickt, owa da Termin steht a do daunn auf unsara Hompetsch (Home-Page)

Daunk sche no moi!

Franz u. Hermi Brandlhofer

A poar Fotos san a scho zan au`schaun...tuats oafoch lins "Fotos "d`POF" au`klickn...

Des Ergebnis va da Priafung:

1.) RUMPLER Friedl

1.) SCHMIDHOFER Ernst

3.) WURZINGER Hans

=========================================================

 

 

Do hobn ma a Zwischnbilanz vo nein (9) Joahr Traktor-Ausfoahrt

2004:  Streckn: Puachberg-Öhlaschutzhaus-Mamauwies`n-Puachberg.

Teunehma: 22 Traktor  und 1 Begleitfoahzeig

2005:  Streckn: Gleich wia`s Joahr davor,nur umgekeahrt...

Teunehma: 22 Traktor  und  koa Begleitfoahzeig

2006:  Streckn: Puachberg-Rohrbochgrobn-Hengst-Schtazion Bamgoartn ("Goaßtonl")-Puachberg. 

Teunehma: 31 Traktor  und 2 Begleitfoahzeig`

2007:  Streckn: Puachberg-Oscha (Ascher) G`ländhittn-Scheibn-Greaboch-Puachberg.

Teunehma: 38 Traktor  und 3 Begleitfoahzeig`

2008:  Streckn: Puachberg-Laungseitn-Mamauwiesn-Fodnsottl (Fadensattel)-Oimresalhaus-Puachberg.

Teunehma: 45 Traktor  und 3 Begleitfoahzeig` (5 jährig`s Jubiläum)

2009:  Streckn: fost gleich, wia zwoatausndsegs (2006),nua aunderscht auf`d Hengsthittn (iwad Billek-Oim) 

Teunehma: 31 Traktor  und 2 Begleitfoahzeig`

2010:  Streckn: Puachberg-Oscha-Ochsnhad`-Mariahüfberg-Längapiasting-Öhlaschutzhaus.

Teunehma: 36 Traktor  und 3 Begleitfoahzeig`

2011: Sieading- Flatzerwaund-Guatnmann-Schrattenthal-Puachberg

Teunehma: 62 Traktor und 2 Begleitfoahzeig

2012: 23 Traktor und 2 Begleitfoahzeig`

Insgesamt: 310 Traktor

Zua Erklärung: De Begleitauto san do net dabei daß uns in Weg vastön- na- des hot an Sinn....oana, da greane LADA, der is imma dabei-is jo a nix aundas, ois a weng a komfortablera Traktor mit an fixn Dachl und ana Hazung hoit...!

Da aundare fiaht imma unsare Fotografn durch die Gegnd....und heia san unsare Burgnlända--weu`s gregnt`hot-- a mit an Oirodauto (Allradauto) kemman--des woar a gaunz a schena Zug vo eahna....do hobn ma si wirkli gfreit..!

- --------------------------------------------------------------------------------- 

 

          

 Wia unsa Nauman jo scho sogt, san mia "Freind" ... und weu  d`Hermi und i  jo zweng waradn, derf ma Eich unsare Freind und ständign Begleita hiatz vuastön!

Do hob`n ma in: BRENNER Fritz, APFLER Rudi, GSCHAIDER Fritz, CERNIK Wolfgang, ADAMCAK Fritz, WANZENBÖCK Franz, PANZENBÖCK "Punkt" Franz, SCHMIDHOFER Peter, RÖGGL Karl, KICKER Franz, KICKER Eduard, ZWINZ Max, SCHMIDHOFER Ernst, ZWINZ "Veitn" Hans,WURZINGER Johann, RIEGLER Erwin, WANZENBÖCK "Strauß" Johann, HIETZ Wolfgang, FAIST Karl, Ing. HATZL Peter, MÖSLINGER Herta u. Adolf ....und es wern imma mehr....und des is guat so!

----------------------------------------------------------------------------------

Kontakt Tel.: 02636 3652

oda

i-mel (e-mail): ski.motorsport@gmx.at

----------------------------------------------------------------------------------

                                   

Homepage gratis erstellt mit Web-Gear

Verantwortlich für den Inhalt dieser Seite ist ausschließlich der Autor dieser Webseite. Verstoß anzeigen